香港第一家庭爆出嘅行李門事件，震驚香港航空界，難得嘅係特首梁振英似乎唔覺得呢種「特事特辦」有幾大鑊。公民黨民航機師譚文豪一直要求查明真相，甚至不惜自費買機票到泰國跟進。
譚文豪早前就行李門事件引申嘅機場保安漏洞疑慮收集逾36,000個簽名，提交咗畀三間國際航空組織ICAO（國際民航組織）、ACI（國際機場協會）、IATA（國際航空運輸協會）。ACI同IATA及後回信話回覆責任在於ICAO，咁譚文豪咪兩度去信ICAO，都未獲回覆。
八方問過佢，佢話希望對聯署人有交代，決定親自做信差，將港人意願帶到泰國ICAO總部。佢買咗今日下午嘅機票到泰國，明天返港，希望可以見到ICAO人員，釐清行李門事件有冇影響航空安全嘅相關規定。