趣趣地:普巴搶鏡有辦「髮」

趣趣地:普巴搶鏡有辦「髮」

今屆歐國盃主辦國法國周一喺主場友賽喀麥隆,靠皮耶完場前入咗個靚到爆嘅絕殺罰球而險勝3:2,呢位29歲韋斯咸中場固然係呢場波焦點,不過隊友保羅普巴亦非常搶鏡,佢喺上半場交咗個超靚助攻畀基奧特射成2:1,但佢對腳似乎唔及個頭咁sharp,皆因普巴將自己個外號POGBOOM剃喺頭度。好唔好睇就見仁見智,但至少令佢又可以見報,睇嚟呢個後生仔真係好鍾意出風頭。