去年中突然被特首梁振英炒魷嘅前公務員事務局局長鄧國威Paul（嗱，唔好再問，點解炒魷竟然冇教育局局長吳得掂份嘞……），有嘢撈嘞，而批准Paul接任新職嘅委員會，係冇CY份㗎。點解要特別提呢一點？可能若然CY有份，結局不一樣喎。呢個八方話嘅！
前任行政長官及政治委任官員離職後工作諮詢委員會決定，批准去年7月22日Paul離開政府後擬任嘅工作給予意見。原來阿Paul申請受聘於香港金融管理學院一個講座嘅講者，諮詢委員會認為，喺Paul遵循委員會所建議若干規限前提下，離職後接受上述聘任都唔會構成任何潛在利益衝突，亦唔預期有關工作會引起負面公眾反應或公眾觀感。