這天練馬師賀賢踩單車從馬房方向駛出來時，騎師潘頓見狀，立刻從機坪穿過隧道旁的欄杆，截停賀賢，同佢傾個不停，只見兩人神情認真，明顯在研究周三(1日)搏殺大計。
今期賀賢有「必搏」、「勇駒」交予潘頓操刀，唔使問都知一定會砌盡。其中第八場三班1800米的「勇駒」，近兩仗均跑谷草一哩，分別配郭能及柏寶，都姍姍來遲追唔切，均輸短頭位屈居亞軍，今次換潘頓增程跑1800米，要留意此駒父系GALLANT GURU服役八捷至2500米，包括一場澳洲二級賽，而子嗣性能普遍似父宜中長途，所以「勇駒」跑1800米隨時威力更大。
至於第五場三班1200米的「必搏」，上仗谷草同程直路塞死好冇運，亦敗不脫節。外地兩戰全勝之馬，實力未許低估，潘頓唔放手繼續騎，睇嚟今仗應有冷機。