足總主席梁孔德（右二）噚日出席青少年足球發展計劃記招，透露中超廣州富力好大機會踢下季港超，只要等中國足協批准，富力會派出青年軍或者一隊副選出戰，仲會有主客制㖭！主席仲話搞得好就會同廣州恆大斟斟，搞多隊嚟香港喎。至於來季港超隊數，目標係10隊，有升班資格嘅大埔同港會，同有意留級嘅黃大仙，邊幾隊踢，好快會明朗喎。