點樣玩VR先型？答案係孭住部電腦上身玩！MSI剛剛在台北國際電腦展展出採用紅色鋁殼的「背包PC」真身，方便唔受連線束縛下接駁VR裝置。不過要造到一部可以孭得上身兼且效能有番咁上下的電腦，散熱、電池同重量這幾方面都要考慮，目前現身的示範版本約重4.7kg，希望真正推出時可下調至4.5kg；而可拆式電池大概可操作到1.5小時，可以在開機時更換電池；而且在背包後方加入冷卻材料，理論上唔會過熱，不過MSI仍未定到這部「背包PC」上市時間同價錢。
另一方面，HP都同期公布會開發「背包PC」Omen，同樣是專為接駁VR裝置使用。暫時只知道Omen會使用Intel Core i5/i7處理器、32GB RAM同512GB SSD，電池大概可操作到1小時，廠方亦希望將重量控制在10磅之下。「背包PC」聽落好似幾有趣，但要孭起10磅重物郁身郁勢玩1小時，其實都唔輕鬆！
資料來源：MSI、The Verge
記者：布偉倫