葡萄牙名帥摩連奴上周五落實成為曼聯領隊之後，七月先會正式上任，不過周一喺執行副主席活華特陪同之下，首次去咗紅魔嘅訓練基地踩場，仲同之前盛傳唔妥佢嘅名宿卜比查爾頓，同埋球會其他高層見面，仲逗留咗七粒鐘。
話時話，摩佬老婆麥蒂迪認真大整蠱，將摩佬揸住個曼聯專門店嘅大膠袋，企喺曼聯訓練基地門口影嘅相（圖）放上Twitter，若然唔知摩佬係曼聯新帥，隨時以為佢係強國遊客㖭呀！
