本周五（6月3日）是騎師田泰安26歲生日，睇番騎者抵港後兩季，均在6月份首次谷戰贏馬賀壽，前季贏「香江福星」，上季則憑「紅衣前進」建功，可見他好鍾意以頭馬作為自己的賀禮。今期夜馬(6月1日)田泰安座騎實力不俗，大有機會再次贏馬賀壽。
第一匹要留意嘅馬係角逐第六場四班1800米之「天賦致寶」，上仗配田泰安角逐谷草一哩，臨場由31倍跌至15倍開跑，反映已獲部份人士所重視，結果後上不及跑第四，可見這匹比抵港時已減去23分之自購馬，已有迴旋餘地，今仗增程角逐1800米，應更有利追趕，有力贏馬開齋，成為鞍上人之賀壽馬。
另外，列陣第二場四班1200米之「金碧輝煌」近兩仗均跑入前五名，五歲馬進步良多，復課由田泰安包辦快工夫，真係好得閒咩？可見明顯獲騎者高度重視，打王牌報名上陣，戰意不用懷疑，同樣值得睇好。