港交所（388）近期嚴打「啤殼」，講明會全面檢討創業板監管問題，包括係咪需要好似主板咁進行公開發售、上市合適性、甚至提高轉板要求等等，都係考慮之列，似乎誓要打殘殼股市場先心息。
港交所咁做自然影響唔少靠炒賣殼嘅莊家，當中有「低調殼王」之稱嘅瑞東（376）主席高振順，相信或多或少都會受影響。
唔知係咪最近同阿里巴巴主席馬雲做完幾單大刁，搵夠賺夠，殼王對於港交所要嚴打「啤殼」，係表示無意見，仲話自己唔識呢啲嘢，交番畀啲專業人士咁話。
噚日股東會後華華問高振順港交所今次出招會唔會影響佢做生意，佢就話「生意難做咗，香港經濟差。」至於同馬雲仲有冇合作，就未有正面回應，只係話「開緊會」。