體壇拾趣：黑帝愛情滋潤即回勇？

平治車手咸姆頓喺周日F1摩納哥站回勇奪冠，真係算得上事業愛情兩得意！因為「黑帝」嘅緋聞新女友芭芭拉上周六嘅排位賽已經戴起平治cap帽喺現場打氣；見到「黑帝」排位賽只得第三，呢位22歲嘅匈牙利索模仲拎住罐Nutella榛子醬（紅圈），似乎想餵佢食𠱁番佢開心㖭。唔知「黑帝」係咪有愛情滋潤，所以喺正賽回勇奪冠？雖然兩人強調只係朋友，不過信不信由你喇。