【飲食界】
【本報訊】66歲的飲食界立法會議員、自由黨張宇人在位16年，近兩屆均自動當選，9月換屆選舉將遇31歲的星級廚師伍永德挑戰。自言是「港豬」的伍永德，政治醒覺始於傘運，他由佔領初嫌塞車阻返工，到9.28參與佔領直到最後，並萌生透過參選重奪話語權的念頭，去年選區議會鎩羽而歸，冀以區選經驗再戰立會。
找張宇人求助無下文
挑戰功能組別難言勝算，伍強調：「咁多年嚟泛民畀我哋嘅感覺係死守，點解唔係放手一博，同佢博一鋪勁，而繼續企喺度任人打？我哋唔想死守，我哋要進攻。」他17歲入行，由「𡃁仔」做到主廚，曾在堅尼地城一間米芝蓮推介法國餐廳任大廚。行內打滾十多年，見盡業界問題，笑言幾年前找過業界代表張宇人求助，追討欠薪，但全程未見過張的真身，助理回覆兩次後音信全無。
他指張宇人只關顧大財團利益，而飲食界70%是中小企，大集團壟斷市場會令小店生存空間越來越小，消失的不單是一間食肆，而是香港人曾經熟悉的味道：「我哋以前細細個食到啲嘢𠵱家都搵唔番，大家可能唔係好清楚乜係啫啫雞，𠵱家食到嘅係兩樣嘢，（正宗）裏面好多內臟，上菜時滋滋聲，所以叫啫啫雞，仲有街邊嘅滷味、冰鎮菠蘿……」
張宇人多年來穩佔議席，伍認為因為很多中小企不知自己符合登記資格。2015年的選民登記顯示，飲食界有5,627名選民，752為團體票，4,875是個人票，伍永德今年亦於選民登記期間與其他團體呼籲小店登記。若進入議會，他指會提升業界專業形象，不再是大家口中的「廚房佬」、「水吧佬」，同時為業界建立與政府的溝通橋樑。
■記者陳雪玲