乜嘢叫輸波輸品？睇吓喺英甲升班附加賽決賽以1:3不敵班士利嘅米禾爾班球迷就知！米禾爾球迷一向惹事生非，好似周日喺溫布萊場波，眼見愛隊輸到1:3，知道球隊回升英冠無望，開始有米禾爾球迷衝向班士利球迷區打人（下圖），又向班士利入球功臣阿當咸美爾掟嘢。
米禾爾事後話會揪出搞事分子，仲話會終身禁止佢哋入場，但球會乜嘢形象都冇晒囉！
