耶倫唔喺耶魯演講，走去哈佛演講，講題是加息，老實講，耶倫都唔知道幾時會加息，又點可以講到出嚟，惟有講到含含糊糊，大家想幾時加息，就憑大家想像力。
於是，外國與香港對耶倫說話有不同演繹，外國分析家話耶倫暗示在7月議息時會加息，香港分析員話耶倫表明在未來幾個月是適合加息。
如果大家睇埋耶倫演講內容，就知道她的意思是如果美國經濟發展如她所料，各種數據是趨向正面，加息其實是可考慮，未來幾個月代表甚麼，有可能到明年2月才加息，亦有可能6月就加息，所以我話，耶倫都唔知道幾時會加息。
加息在美國其實是一項政治任務，雖然話普選，但選來選去都是共和黨或者民主黨，一般來說，在大選前是不會加息的，除非，執政黨的形勢極度不妙，聯儲局就會落井下石，便在大選前加息，實行送執政黨一程，送在野黨一份禮物，亦有美國選民以此為投票取向，加息就投在野黨，唔加息就投執政黨，唔通真係研究候選人政綱。
今次選舉，理論上應該是輪到共和黨執政，可惜特朗普太瘋癲，做咗美國總統都唔知道會發生甚麼事，但更加可惜是希拉莉不濟，人又老，口才又唔好，如果沒有人幫手，特朗普的機會比她大得多，於是，耶倫演講話未來幾個月會加息，希望引導那些未有決定選民，加息就投特朗普，唔加息就投希拉莉，我相信耶倫唔會支持特朗普，所以，加息一事，似近實遠。
湯文亮
mailto:[email protected]
本欄逢周二刊出