羅霖與名模Ana R.昨日於中環出席心蓮心慈善活動，羅霖自爆最近受人粗口辱罵：「前幾日帶個仔睇戲，我遲咗15分鐘入場，發覺個位俾人坐咗，嗰個男人叫我坐去後面，跟住我同佢講個座位係我嘅，佢就用英文粗口鬧我，問候我全家，又話我係賤人，個仔好驚，我唔驚佢，開手機電筒照住佢，叫佢返自己個位。」
羅霖大罵對方行為可恥：「蝦女人同小朋友，仲作勢打我，我照住佢3分鐘之後，佢就坐去前面嗰兩個位。其實我當時心裏都好驚，不過我係據理力爭嘅人，女性應該要保護自己，真正嘅男人唔會係咁作威作福。」她強調不會因為害怕就退縮：「呢個係身教，唔係個仔以後就怕事。」
採訪、攝影：羅慧敏