寶麗金年代以10蚊簽斷歌曲實體播放版權，令無綫走灰色地帶，聲稱可以喺網上播放當年黎明主唱劇集《人在邊緣》嘅主題曲。噚日喺觀塘出席「AGA《GINADOLL》喜樂發佈會」嘅環球董事總經理黃劍濤（Duncan），除咗向江海迦（AGA）頒發金唱片兼宣佈7月底為AGA舉行演唱會外，佢仲講到當年寶麗金簽落類似合約歌曲有二百幾首，環球會繼續尊重當年嘅合約，但強調嗰啲合約已不合時宜。
「我簽係歌星把聲」
網絡使用權合約上拉倒，Duncan話：「若果呢個條款搞唔掂，唔會再有合作空間，呢個好肯定。」Duncan又指無綫曾要求環球歌手唱劇集主題曲，條件係製作費由無綫負責後，歌曲版權歸無綫，Duncan話：「Sorry，唔得，我簽係歌星把聲，點可以咁唱主題曲，你畀錢我，跟住隻歌係畀你，呢個係萬萬不能，所以過去3、4、5年，我哋環球冇同佢哋做過任何一隻主題曲。」至於近年同無綫傾合約時會否格外小心，Duncan承認絕對係。
撰文：馮仁昭
