禮拜三谷草賽事用C加3欄作賽，呢條跑道一向偏差嚴重，對內叠前置馬極有利，以最近5月4日同一移欄賽事為例，當晚除了尾場「勢必跑」後上建功之外，其餘頭馬竟然清一色守前三位入直路勝出，當中更加有「莫己若」、「鑽石巨匠」及「亞馬寶寶」一放到底，所以揀馬都係宜放不宜追。今戰列陣馬中，頭場「威旺財」上仗正是於5月4日谷C加3欄擺前入Q，等番同一移欄再跑當然希望贏馬補中。另外，第七場「澤心星」三次跑谷C加3欄獲冠亞季各一未失三甲，亦是全場唯一贏過此移欄之參戰馬，憑較佳場地性能可重開勝門。