【科技籽：玩物達人】
雖然4K已經出咗一段日子，不過就算買咗4K電視，之前想搵4K片源都唔係咁容易。等咗咁耐，真4K影碟終於面世，叫Ultra HD Blu-ray（UHD Blu-ray）。以為買隻新碟就睇得？錯喇，碟機、電視都要update，想玩盡新格式，就要有齊成套器材，少一件都唔得！煲UHD仲要留意邊啲細位？一於話埋畀知你。
UHD Blu-ray 影碟 黑盒夠易認 唔對應3D
UHD Blu-ray採用新的黑盒設計，而非藍盒，頂部寫有4K Ultra HD字樣，一眼就能看出分別。畫面解像度由高清的1,920×1,080升級至4K的3,840×2,160。顏色深度則由8bit提升至10bit或12bit，採用新的色域標準BT.2020，較舊有的BT.709廣闊得多，簡而言之，就是顏色更加豐富，層次更為細膩。音效方面，舊Blu-ray已對應Dolby Atmos及DTS:X兩大新世代環繞聲技術，UHD沒有太大優勢。根據Blu-ray光碟聯盟的主席Victor Matsuda所言，UHD Blu-ray目前並不對應3D技術，4K跟3D能否同時兼得，一切要看未來發展。
其實UHD Blu-ray上月已在歐美推出，而首套備有中文字幕的行貨影碟《死侍：不死現身》則於近日到港。而Sony、20th Century Fox、Lions Gate及華納兄弟等片商也推出了多套UHD影片，但以舊片居多，例如《少年Pi的奇幻漂流》、《末日先鋒：戰甲飛車》及《火星任務》等。
UHD Blu-ray碟機 舊機讀唔到 新機得兩部
由於UHD Blu-ray採用全新H.265編碼壓縮，很遺憾地，所有舊機也是無法播放！目前只有兩部碟機支援UHD Blu-ray，分別是Samsung的UBD-K8500及Panasonic的DMP-UB900，而且暫時未有行貨。而不幸中的大幸是，UHD Blu-ray不設區碼限制，水貨碟機也能播放水貨及行貨，而且新機也能讀取舊的Blu-ray影碟，唔怕新機冇碟播。
HDMI 2.0a介面 還好線材唔使換
碟機、電視都要更新，舊的HDMI線材則可照用。UHD Blu-ray及HDR影片技術均採用HDMI 2.0a介面，其數據頻寬達每秒18GB，支援4K解像度、32條音頻通道及HDR技術，只要碟機和電視等器材支援這一介面，便可以現有的HDMI線來享受全新的視覺體驗。
4K電視 更新軟件睇HDR
除了4K解像度，UHD Blu-ray的另一賣點是提供HDR技術（High Dynamic Range，高動態範圍）。一般手機拍攝也備有HDR功能，主要應用在光差較大的環境，例如背光時，要不主體太暗，要不光位過曝，開啟HDR後便可取得平衡，光暗部份皆有細節。
HDR影片亦一樣，惟門檻較高，需用上HDR拍攝器材及後製，也要一台對應HDR解碼的電視才能呈現。去年年尾至今推出的4K電視，例如Sony的BRAVIA 4K HDR電視系列及LG的EG9650、Samsung的SUTV均已對應，部份舊機亦能透過軟件更新來支援。
4K節目 樂視、now直播體育賽事
除了睇碟，還有甚麼4K節目可供選擇呢？其實早於2014年，世界盃已採用4K拍攝，但別說香港，當時世界各地的4K電視直播也未成熟。兩年後的今日，美國的DirecTV剛於4月開啟了三條4K體育頻道，首個節目為美國高爾夫球大師賽。香港方面，網絡電視已逐步4K化，Netflix及樂視已有4K資訊，myTV SUPER電視盒也會加入4K劇集。試以樂視電視播放4K網片，雖然聲稱10Mbps網速已可流暢地觀看，惟現場達20Mbps仍要緩衝，有點失望。
直播方面，在2016-2017球季，樂視會提供個別場次的4K英超直播；而now亦預告會於今年內加入4K內容，當中包括直播體育節目，但要利用最新推出的Now One電視盒來收看。
試睇報告：HDR最深刻 換機唔使心急
找來影音達人Alan Lee以UHD碟機加4K HDR電視，欣賞《死侍》等多隻UHD影碟。Alan解釋：「UHD影片唔只4K，佢嘅色域同HDR技術表現出嚟嘅畫面都係前所未見。尤其要留意啲好光或者好暗嘅畫面。」記者自問眼睛不算銳利，沒有察覺到4K解像度有多細緻，但影片的色彩表現的確大有不同，尤其《末日先鋒：戰甲飛車》的沙灘飛車場景，猛烈陽光及車身反光，真的如Alan所言般前所未見，個人覺得HDR效果比4K更深刻。
至於問到UHD的前景及應該何時升級器材，Alan則說：「UHD普及係勢在必行，但冇必要心急買機、買器材，因為目前最大嘅問題係UHD影碟以舊片為主，碟機又未有行貨，9月外國搞影音展嗰陣一定會有新器材，可慢慢睇定啲。」綜合試玩感想，4K HDR是影音迷必玩keyword，但暫時新器材成本較貴，可謀定而後動。
UHD影碟三大必睇位
記者：司徒港燊
攝影：徐振國、鄧鴻欣
編輯：陳國棟
美術：吳子豪