【他們曾經說過】
當時我一方面感到震驚，因為一直以嚟對嗰場學生運動，都感覺到係一個相當和平嘅一場運動，我覺得冇咁樣嘅需要，亦感到有啲迷惑。點解李鵬總理喺學生已經宣佈咗話要停止絕食、撤出天安門嘅時候，做咗一個咁樣嘅決定……中國政府喺事前作嘅承諾，後來都一一落空，包括不秋後算賬，包括軍隊唔係用嚟對付學生呢啲承諾，後來都落空咗。香港嘅未來同中國政府畀香港嘅承諾，無論係《中英聯合聲明》裏面嘅承諾、《基本法》裏面嘅承諾，係有好密切嘅關係。如果中國政府係咁唔重視自己嘅承諾嘅話，係好難怪香港人對中國政府係失咗信心。