上周六除咗有萬眾矚目嘅歐聯決賽之外，仲有一場被喻為「19億港元之戰」嘅英冠升班附加賽決賽，由英冠第四位嘅侯城（圖）對聯賽第六位嘅錫周三，而侯城就憑住中場迪亞美喺72分鐘一箭定江山，以1:0擊敗咗錫周三，成功重返英超。不過，侯城嘅領隊布魯士就喺賽後話自己未必會喺來季繼續帶領侯城，佢話：「我要坐低同班主好好傾吓球隊未來嘅發展，雖然我好想喺英超執教，但係我都需要球會向我作出一啲保證，同埋確定未來嘅路向先得。」