睇睇吓直播，點解會見到前皇馬主帥賓尼迪斯喺現任教練施丹後面出現嘅！原來係人有相似，場邊有位着住黃色背心嘅工作人員，個樣同肥賓有幾成似，所以好多網民都cap咗圖上網share。講起肥賓，皇馬呢個歐聯冠軍，其實佢都有功勞，話晒係佢帶分組賽。睇番歐洲足協球例，佢哋會派40塊金牌畀皇馬，等佢哋自己分，唔知皇馬會唔會咁好人，特登寄塊去英國畀肥賓呢？如果係就夠晒傳奇，一個教練喺一季內拎歐聯金牌同時喺英超降班。