中環人潮食：
唐唐妻利東街嘆咖啡

潮流興乜都要相機食先，灣仔利東街上月開咗一間賣玫瑰花形甜筒嘅雪糕咖啡店，上星期午飯時間去見識一下，順便影相po上facebook。
呢度主要賣Gelato意大利雪糕，感覺上冇咁肥，約有8種味道選擇，揀咗最平易近人嘅雲呢拿味（42元），覺得味道唔夠香濃，喺其他店食過雲呢拿味更濃更滑嘅雪糕。不過呢日嘅重點並非雪糕，而係同場巧遇唐英年太太郭妤淺，近距離接觸呢位大家閨秀。
唐太說話十分溫文爾雅，陰聲細氣得似王菀之，對侍應相當有禮。佢同一位女性朋友一齊嚟，佢朋友想坐低食雪糕，唐太就買杯咖啡（約40元），陪對方坐埋一邊傾偈，只見唐太十分留心對方說話，全程咪住雙眼微笑回應，偶爾關心兩句，屬於很好嘅聆聽者，呢個情況，絕對唔可能發生喺另一位阿太身上。