由湯家驊籌組並擔任召集人嘅民主思路，有意派出3名年輕人出擊立法會。趁住成立即將滿一年，民主思路亦寓慶祝於拉票咁噃，湯家驊噚日聯同3名政策實驗室主任黃梓謙、麥嘉晉同劉培榮，即係或者會代表民主思路喺港島、九西同新東出征嗰3位呢，走勻全港各區街站宣傳，包括港島區太古康山，九西黃埔同新東大圍。如果要披甲，又確實係時候同相關地區選民傾吓偈。
民主思路噚日亦開始喺巴士同的士車身賣廣告宣傳，口號係「重整議會，再爭普選」，進軍立會嘅用意相當明顯嘞啩！佢哋稍後仲會舉辦主題為「香港想像」嘅研討會，會就治港理念發表意見。