上周港股雖然反彈，成交卻一路萎縮，升跌都無人理。埋怨是無補於事，解決問題才是重要。現在港股的困局，是國內投資者不肯落叠，海外投資者又撤資，兩頭唔到岸，上市公司甚至開始考慮退市，返回A股市場做山寨王便算。
上星期阿飛已解釋，中資公司老總不懂說故事，還是以一貫有麝自然香的態度來應付投資者。在近年投資中國股票遍體鱗傷，海外投資者好人都要先當賊扮的大環境之中，可謂嚴重脫了節。管理投資者技巧太差，外資卻步，是直接令港股成交低估值低的理由。
至於國內投資者對港股的印象，已經由去年中時價值投資者的天堂，變成為沽空者的天堂。他們覺得香港衍生工具主導市場，絕大部份外資都是靠淡倉賺錢，以為上年大時代爆煲，中資慘敗外資大勝。
要做大陸客的生意，香港金融界就要解開他們的心結，以及呈現港股和A股之間不同的地方。這是一個接近不可能的任務，如果說明中資股敗絮其中，不是外資刻意推低，又包抄唔到要買衰股的理由。相對而言，港股和A股差異化，已是一條較易的出路。
香港作為中間人，近幾年是完全不及格，以為靠政策護蔭就可以坐定定收錢。中間人一樣有需要去sell，我哋原來唔識sell外資，亦唔識sell中資，才會落得如此下場。
阿飛
本欄逢周一刊出