容祖兒與李克勤前晚在澳門舉行「容祖兒李克勤世界巡迴演唱會澳門站」，克勤的父母、岳父母、老婆盧淑儀及兩名兒子，祖兒媽咪和男友劉浩龍（師兄），以及男友所屬的太陽娛樂老闆周焯華（洗米華）等都有現身捧場，不過祖兒媽咪和師兄就分開坐。克勤全晚不斷以祖兒和師兄的感情開玩笑，祖兒就風騷撒嬌，氣氛歡樂。適逢今天是洗米華42歲生日，二人帶領全場唱生日歌預祝，祖兒除大讚洗米華是澳門古天樂外，又以「洗生」稱呼對方，之後更大膽祝福洗米華連生貴子。
網上現場直播
至演唱會尾聲時，祖兒走近觀眾席問克勤兒子想聽甚麼歌，繼而又說要點唱給「洗生」聽，當全場合唱生日歌時，現場螢幕正在拍洗米華，祖兒即笑說：「佢面紅呀！祝你身體健康，連生貴子。」唱完生日歌後，克勤即問師兄愛聽甚麼歌，祖兒搶答：「佢鍾意聽冷門歌，我叫咗佢遲啲先嚟睇㗎啦，一係唱《倆忘煙水裏》喇！」克勤笑謂：「啋！大吉利是，你哋唔係拍咗好耐，唔可以唱呢首，師兄想聽《女皇》。」克勤接住問師兄：「女皇，係咪你心聲呀？」克勤又笑說首次看到祖兒在場和師兄打情罵俏，笑祖兒面向洗米華，但眼神是望住男友。
二人於完騷後接受訪問，講到祖兒祝洗米華連生貴子，她大笑說：「我有咁講咩？有乜嘢問題，作為男人應該開枝散葉。」克勤即時制止她：「你仲講仲兜呀！」此外，前晚演唱會由新浪網作現場直播，克勤指有300多萬人收看。不過美中不足是兩位歌手的耳機曾一度出現故障。
採訪：盧妹
攝影：仇志德
