花絮：卡拉斯高咀得太早

馬體會嘅恩歷克卡拉斯高喺79分鐘入波追平1:1，佢不知幾興奮，即刻飛奔去場邊，仲諗住佢搵施蒙尼或者後備隊友慶祝啦，點知原來佢重色輕友，第一時間搵女友蘿美慶祝，佢兩個仲喺場邊咀起上嚟㖭！蘿美原來大有來頭，係2013年嘅比利時小姐，做緊模特兒。不過，卡拉斯高慶祝得太早，最後馬體會互射12碼輸波，睇怕返到屋企要女友好好安慰吓。