潮流興玩空中瑜伽，一眾靚女藝人爭住吊上半空keep fit，李嘉欣（圖）、鍾欣潼、羅霖、蔚雨芯及汪詩詩等都有玩，近年清減不少的嘉欣，曾在訪問中說：「其實係力學，加埋我啲筋好鬆，𠵱家都係向呢個方向做，要練六嚿腹肌。」而身體柔軟度極高的林德信除瑜伽外，亦有玩空中瑜伽。另有Jocelyn及Cara G.分別與老公試過一邊做運動，一邊增進感情。