身價高達1,300萬港元，原本隸屬呂健威馬房的「瑰麗傳奇」，在港跑過兩仗表現冇乜睇頭，其馬主文壽強早前把愛駒拉到方嘉柏旗下，4月底馬兒在方廐首次試閘，結果毫無走勢，未見起色。之後埋首悉心教馬，到這天再試閘，由杜利萊試快活谷第三組1200米草閘，卻大有進步，沿途留前鬥後，不急不躁，末段追趕力強，未有大力催策下，僅僅以短頭位不敵「好易搵」得第二，季軍是「包裝巨星」。
「瑰麗傳奇」向來脾氣甚大，以往在呂健威馬房，曾踢爛馬房設施，把軟墊咬爛，令兩粒鏍絲外露。不過轉倉後操練備戰卻似乎好順利，近期猛做工夫，睇嚟唔使等好耐，就會轉倉初出。
「瑰麗傳奇」曾在澳洲玫瑰崗2000米二級賽杜樂錦標得亞軍，4歲馬連同外國只跑過6仗，一旦脾氣收斂冒勇，相信必大有作為。