開心少女羅明珠前日因心臟病猝逝，終年47歲，遺體已轉送到西環域多利亞公眾殮房。昨日早上羅明珠約七名親友到殮房認屍，當中包括羅媽媽、羅明珠兩名弟弟及妹妹，各人都戴上口罩，但眼神都顯得很哀傷。認屍後羅媽媽十分傷心，要由親友攙扶離開。
羅明珠叔叔羅國華昨接受電話訪問時，他說：「明珠媽咪同細佬妹都去咗殮房認屍，佢（羅明珠）個樣算係幾安詳，不過佢媽咪白頭人送黑頭人當然傷心，需要時間去平復心情，𠵱家警方要求驗屍了解死因，等有咗驗屍報告先攞到死亡證，咁先可以擇日舉行葬禮。明珠因為生前信佛，所以葬禮會採用佛教儀式，呢兩日同香港殯儀館方面聯絡過，家人偏向喺呢間殯儀館搞喪事，但呢間殯儀館好full，仲未攞到期。明珠生前交遊廣闊，好多朋友，所以佢嘅喪禮都希望佢啲生前好友嚟致祭。」演藝人協會秘書長陳芷菁接受電話訪問時表示羅明珠並非會員，她說：「不過如果佢家人有任何需要，我哋都會幫手。」
江美儀感惋惜
江美儀昨日出席活動時對羅明珠離世感到惋惜同突然，她說：「我哋有好多共同朋友，佢成日都叫我去佢屋企食飯，令我覺得朋友嘅嘢冇事要常相見，唔好等。」
陳琪昨日與大女胡芷苓在馬鞍山出席活動時，提到好友羅明珠前日猝死，陳琪說：「上星期先一齊食飯，收到消息嗰陣，以為係假，好突然。都有聽過佢減肥，同埋有全盤復出計劃。」
採訪：胡恩宏、盧妹、曹家誠
攝影：胡恩宏、盧妹