大摩馬房的「威力川」上仗在港初出，爭三班草地1200米，未熱身下即負133磅作戰，難度唔低，結果沿途居中，末段衝上得季軍，只輸畀頭馬「風火勁駒」一馬位，表現甚佳，周日（29日）「威力川」將會升班跑第十場二班1200米，負磅將大減15磅，馬主曾炳威點睇呢？
曾炳威說：「我同練馬師(大摩)傾過，佢認為『威力川』會一次比一次跑得好啲，今次應會有進步，上次其實得八成狀態咋！不過今次檔位麻麻哋(11檔)，對手幾勁吓，唔係太過冀望有Win，希望跑個位置返嚟。」
「威力川」其實最初隸屬沈集成馬房，未跑便轉投大摩，曾炳威親自解釋原因，他說：「轉倉冇乜特別原因，都係想轉吓環境，因為之前幾隻(在沈廐的馬)跑來冇乜驚喜、冇乜突破，咁咪轉一轉啦，但同沈集成仍保持良好關係。」