丁子高日前擔任《一大一路》嘉賓，受訪之餘更與小朋友玩遊戲，要他們運用50萬推銷水上活動，Conan選擇找三點式模特兒跟觀眾互動及商場廣告推銷，揚言：「有啲大人比較鹹濕，有啲人就鍾意shopping，所以我揀商場廣告，然之後再揀三點式。」丁子高聞言即糾正說：「鍾意三點式又唔可以標籤佢鹹濕嘅，唔通你游水着棉襖咩！」
事後丁子高大讚小朋友聰明伶俐，問一次過應付5位小朋友會否太辛苦時，他笑言冇問題：「我好鍾意同小朋友玩，平時我同阿仔啲朋友出去，都係做娛樂隊長，同佢哋玩團體game。我好鍾意見到小朋友互相溝通，好掛住自己童年，見到佢哋好似見番自己，尤其係Conan太似我細個，好中意佢。」