趣趣地:泰維斯享天倫棄肥約?

趣趣地:
泰維斯享天倫棄肥約?

現效力阿甲小保加嘅阿根廷前鋒泰維斯,未有入選阿根廷踢下月初喺美國舉行的美洲國家盃,所以趁有時間就喺周三同老婆、兩個細路去美國邁阿密鬆一鬆,享受一下陽光與海灘。32歲嘅泰維斯俾佢個囡囡𠱁得鬼咁開心,瞓喺度曬太陽都笑到四萬咁口。另外,有指佢有錢都唔要,拒絕咗中超球會上海上港開畀佢嘅1,950萬鎊肥約,寧願留喺阿根廷踢波,等自己有多啲時間享受天倫之樂。