民記鍾樹根（圖）盛傳被中聯辦勸退，能否爭取於9月立法會選舉同黨友張國鈞一齊出戰港島，有民記中人預告，下周三黨中委會就會揭曉。
該人士透露，鍾樹根黨內唔係冇人支持，立法會主席阿曾就支持佢再出選，若然中聯辦最終只准民記派一張名單出選，據聞樹根已有最壞打算，「就係自己退黨出嚟選。」
該民記中人又指，民記若按西環指示，將Tree根啲票過畀工聯會郭偉強，萬一立會選舉時，選民唔識分直選投工聯會，超級區議會嗰票要畀翻民記，咁就變相將民記二、三萬超區票，過咗畀盛傳出戰超區嘅工聯會王國興，民記屆時為保住主席李慧琼，隨時累死周浩鼎，變相令民記少兩席，形容「咁唔只係樹根的不幸，仲係成個民建聯的不幸」喎。