黎明（Leon）上月28日原本在中環海濱活動空間開騷，為合共八場演唱會揭開序幕，惟開騷前突然宣佈因中國製帳篷未達防火標準，演唱會被迫緊急煞停，幸好Leon坎坷過後有騷開，翌日拆去四邊帳篷後如常開騷，之後他又以facebook直播方式，補償受影響而未能入場的觀眾。
破香港紀錄
當日直播只有短短四分鐘已吸引超過五萬人次同時瀏覽，其後Leon再於本月16日為樂迷帶來驚喜，宣佈以200元超抵價推出演唱會Blu-ray碟回饋樂迷。不過因成本問題，Leon講明會以團購形式發售，在十日內如果售不出一萬張便告吹，但最後只花了五小時，便售出超過一萬張，截至前晚11時59分截單，Leon的演唱會Blu-ray碟共賣了28,116張，比起成團目標高出接近三倍，數字十分驚人。
記者向業內人士了解，據知單以香港銷量計算，過往從未有Blu-ray碟賣過這個數字，而Leon早前在facebook化身明福俠表示預計7月中有貨，唱片公司昨日則透過電郵通知購買了該碟的樂迷，Blu-ray碟到貨日會在7月中之後，大概8月初之前送到買家手上。
另外，Leon昨日未知是否打風睡得不好，早上9時便以明福俠身份現身facebook，還對鏡頭大唱生日歌，又祝大家good luck，表示哪位生日，他就祝哪位生日快樂。
提帶遮擋雨
Leon他又提醒樂迷說：「𠵱家打緊風，不過唔緊要，希望大家注意安全，記住帶把遮，而把遮要撐得住風嘅。」最後Leon透露暑假大計：「嚟近暑假就嚟到啦，希望可以搵啲遊戲同大家玩吓，又或者搞個party，遲啲見，Thanks！」
撰文：李察