兩年前同一戲碼嘅歐聯決賽，皇家馬德里靠沙治奧拉莫斯（右）補時入波扳平，起死回生咁反勝贏冠軍。呢位功臣對於當時首次做歐洲冠軍就有套獨特見解：「第一次贏歐聯就好似初夜咁，你一世都會記得。之後再有機會，你會做得更好。」今晚就係佢第二次機會喇，相信拉莫斯唔會咁手忙腳亂啦。皇馬大軍周五就飛到米蘭，仲同荷李活著名影星李察基爾（左）同機㖭！