坊間的BB車外形幾乎千篇一律，座椅底下通常只有網袋裝雜物，歐洲BB車設計品牌Quinny，兩年前設計了一部別開生面的BB車，製成品亦終於在近日公開發售！
這架BB車最特別之處，就是座位下裝有一塊長滑板，大人可以推着BB「踩板」，親子共享在路上馳騁的滋味。BB位的扶手位置又加裝了防撞欄，大人的手推桿也裝有剎車掣，並規定BB乘坐時一定要戴頭盔，以策安全。這部BB車定價599歐元（約5,180港元），不過因為暫時只合乎歐洲安全標準，故只可在歐洲地區使用。雖然部車睇落好似好刺激，好好玩，但諗深一層其實幾危險，加上價錢唔算平，到底會唔會有父母真係買嚟用，搵自己同小朋友條命仔嚟博呢？
資料及圖片來源：dailymail
記者：黃子配、容慧心
