《一大一路》幾位小主持接受時事常識大考驗，人仔細細所知不多，不過有時衝口而出答案更有趣。
Q1：乜嘢叫一帶一路？
Conan：近排好出名，係ViuTV嘅節目。
Christy：一個成功人士節目。
Conan：我哋呢個係假版，內地有個真版嘅。
正確答案：最先由國家主席習近平於2013年提出，「一帶」、「一路」分別指「絲綢之路經濟帶」和「21世紀海上絲綢之路」。
Q2：點樣可以改善居住問題？
★劉小華：唔知（記：咁你舉手做咩？）我拉筋呀！
Conan：種多啲樹。（記：關種多啲樹乜事？）
劉小華：綠化環境呀。
Conan：係呀！
Q3：乜嘢叫特事特辦？
劉小華：就係特事特辦。
Conan：世界上某一個原因。
Adrian：有特別嘅事發生咗要即刻解決。
Q4：點解港鐵年年都加價？
Christy：因為好多人搭車。
Adrian：因為港鐵唔夠人工畀佢啲員工。
Q5：食環署平時工作係乜？
子霖：檢查餐廳食物質素。
劉小華：幫茶餐廳洗米。
★Christy：試吓啲米有冇毒。
正確答案：兩大工作範疇包括食物及公共衞生如防治蟲鼠，以及保持環境衞生如清潔街道。
Q6：乜嘢叫拉布？
Christy：開會嗰時，有啲人諗唔到嗰啲問題，專登拉長時間。
正確答案：旨在消耗議事時間及阻止政策通過，並增加社會對政策討論空間。
Q7：天文台幾時需要發出紅色暴雨警告？
★子霖：有紅色暴雨嘅時候。
Adrian：比黃色暴雨大，比黑色暴雨細嗰陣。
正確答案：香港廣泛地區已錄得或預料會有每小時雨量超過50毫米的大雨，且雨勢可能持續。
Q8：有乜方法振興香港旅遊業？
Christy：全部嘢都減價。
Conan：首先搵啲出名嘅人嚟做政府，例如Dixon夏雨個仔。
劉小華：好似日本咁，7月就減價，咁更多人就嚟。
子霖：將啲機票減價。
Adrian：自己去內地感受吓佢哋嘅生活點樣，跟住返嚟香港然後諗吓可以點樣令佢哋多啲嚟香港。
子霖：咁佢哋嚟香港做乜呀？
Adrian：買奶粉。
劉小華：我知！買香港嗰啲電器，因為內地嗰啲電器係會爆炸嘅！