去沙灘係好玩，但最麻煩係隨身物品唔知放邊好。要真正無憂地玩，只能身無長物或派人留守。話說The Loctote Industrial Bag Company創辦人Don Halpern喺沙灘度假時俾人偷嘢，嬲起上嚟發奮研究，研發出這個The Flak Sack防盜袋。
The Flak Sack直譯「高射炮口袋」，聲稱用世上最強布料製成。平平無奇一個布袋仔可以防刀割防水兼防火，可承受1,000磅力量，也比現有的抗刀割防火纖維Kevlar強五倍。袋子還附有鎖及割不斷的安全帶，可以好似鎖單車般扣住鐵欄、電燈柱等。他們還特意用最強布料製作了一件「鋼鐵之底衫」做實驗，大隻佬穿上它，被人用刀割了數下，面層的恤衫輕輕鬆鬆被割成布條，大隻佬卻完好無缺，不過Don Halpern強調，你唔好當佢係避彈衣，着住去大茶飯。OK，就算真係俾賊人偷袋，都要搵大型切割器才打得開，咁麻煩相信賊人會另尋目標。The Flak Sack預計6月開售，暫有鐵色及粉橙色可擇，每個$229美元（約$1,786），都幾抵喎。
記者：陳慧敏
資料來源： http://www.kickstarter.com.loctote.com/
