90年代出道的孫耀威，將於下月為「YES演唱會」做嘉賓，當年雜誌為他出過不少YES卡，問到自己有否儲卡？老孫笑說：「就算儲都唔可以話畀人知，人哋覺得你變態，反而fans儲到𠵱家送畀我，我就好珍惜，𠵱家聖經裏面嘅書籤，就係fans送畀我嘅珍藏閃卡。」
當年老孫印象最深刻是台灣出道返港，仍讀中大的他常去沙田新城市廣場，有次被兩位女fans認出叫他，老孫驚到跑入洗手間：「感覺好似俾人揭穿我嘅底細，跟住我好淆底，潛意式就跑，突然間我諗一諗，佢哋又唔係債主，我做乜嘢要跑。我發覺嗰次開始生命就改變，佢哋叫我把聲，我仲係歷歷在目。」