又多張奧運入場券啦！山地單車嘅里約奧運積分周期啱啱完結，由於35歲嘅香港代表陳振興上年喺馬來西亞舉行嘅亞錦賽拎到季軍，而冠軍嘅日本車手山本幸平憑住奧運積分第23名獲得參賽資格，所以亞錦賽嘅兩個奧運資格就畀咗亞軍嘅中國車手同埋季軍嘅「山地興」！山地興除咗成為香港第29個里約奧運代表，仲同羽毛球代表葉姵延一樣，繼2008年京奧同2012倫奧後第三度出戰奧運！