呢排喺社交媒體見韓國女生喺臉上玩民族風彩繪，唔通玩紋身玩到上面？原來係手機應用程式傑作，見大家成日咁鍾意喺身上玩圖案，上年大熱嘅紋身貼紙熱今年繼續流行，想玩偽紋身，也有紋身師建議大家用眼線筆畫上心愛圖案。但夏天又玩水又出汗，點先可以貼得夠持久？
其實只要用具防水性能的噴霧膠布，喺圖案上噴一噴就可以防水，亦保持到圖案完整。冇噴霧膠布的話，用定型噴霧都可以達到類似效果，但皮膚敏感人士就要小心使用。
擔心太防水洗唔甩？玩完之後，用嬰兒潤膚油輕輕一敷，就可以輕易去除，今個夏天識貼就要咁樣貼。
記者：黃樂雯
查詢：
（a）Yves Saint Laurent Beauté 圓方2117號舖
（b）皮忠插畫產品 荃灣柴灣角街66-82號金熊工業中心G座15樓08室
（c）Make Up For Ever 銅鑼灣時代廣場地庫B206B店