【ViuTV專訪】近日不論是青年事務委員會主席劉鳴煒，還是身經百戰的保安局前局長葉劉淑儀，都被ViuTV節目《一大一路》一班小學生主持考起，小朋友伶牙俐齒，尖銳問題將一眾嘉賓拋窒。本報早前請來其中5位小主持，測試他們社會時事常識，腦筋急轉彎式答案當然離地，但其實童言無忌，小朋友答得簡單直接，才顯出童真一面。
撰文：魯吉、譚倩宜
十位年齡由7歲至11歲的小學生，在ViuTV《晚吹》系列的《一大一路》，輪流與夏雨兒子黃奕晨（Dixon）擔任主持訪問社會各界名人。雖然小主持年紀小，但憑住一連串尖銳問題往往將受訪嘉賓拋窒，妙問妙答贏盡觀眾口碑。
本報早前找來其中5位小朋友測試政治社會常識，他們分別是8歲的劉小華、9歲的子霖、Christy及Conan，以及在小朋友中最年長的11歲Adrian，眾人天真無邪的答案令人笑破肚皮。
愛返學拒功課
譬如問到甚麼是一帶一路，小朋友直指是ViuTV節目，Conan甚至誤以為他們主持的《一大一路》是老翻，內地才上演正版。之後又問到如何改善警民關係，Conan竟說：「如果你係男仔嘅話，就一定要同個女警察結婚，打好關係！」問到食環署工作，劉小華認為是幫茶餐廳洗米，答案堅離地！不過，問到振興香港旅遊業方法，小朋友建議各方面減價吸引遊客，答案總算有紋有路，劉小華甚至說：「啲人嚟買香港電器，因為內地嗰啲電器係會爆炸嘅！」
一般主持總希望訪問周潤發或是劉德華等天王巨星，但對這班小主持，發哥和劉天王卻未能發揮吸引力，就連人氣勁爆的宋仲基，小朋友們也天真反問：「乜嚟㗎？」Conan說最想訪問夏雨，他說：「因為係Dixon哥哥個爸爸，想知佢細個曳唔曳，揭穿佢秘密。」Christy最想訪問迪士尼老闆，因為可以順道到迪士尼遊玩。說到返學，劉小華坦言喜歡返學卻不喜歡做功課，Conan就指返學太悶不想返學，但Adrian隨即老成地反駁：「我覺得返學都係悶嘅，但你唔返學，你將來一定喺度生活唔到。」
問題只跟六成
《一大一路》中發問的問題，小朋友都說是自己和家人一起商量研究，而每次錄影訪問前，Dixon都會先跟小朋友們再開會研究，但原來開會結果，小朋友僅會跟六成。Dixon說：「每一集做之前我都有瞓唔着，因為擔心或者驚佢哋唔知講咗乜嘢。我哋有個茶會傾偈，傾偈時講嗰啲嘢，佢哋可能只係會問六成，剩番四成唔知係乜，我會好擔心係得罪嘉賓嘅嘢。」小朋友有否試過開罪嘉賓？Dixon說：「又冇乜邊個表露出嚟，但有嘉賓事後講感受時就有講少少，我哋接收到好似話啲小朋友冇禮貌。」之前葉劉淑儀曾表示小朋友說她「趕返屋企放屁」，暗示小朋友沒禮貌的人會否便是葉劉？Dixon未肯多講，只笑說：「你自己get到邊個就邊個啦！」
【話你知】Alvin智商達144
《一大一路》每次會在10位小朋友中安排5位擔任主持，除當日現身5位外，其餘還有智商高達144的梅浩霆（Alvin）和吳偉聰（Jacky），另外還有三位南亞裔小朋友簡法衡（Farhad）及曾在電影《五個小孩的校長》扮演姊妹的陳麗兒（Jennie）和李詠珊（Kitty）。現年10歲的Alvin就讀小學五年班，小一時開始為親友婚禮義務做司儀，習慣面對群眾，丁子高受訪當日，Alvin便因到美國參加機械人比賽而未能現身。
