騎師羅理雅最近替沈集成馬房勝出「發明小子」，奠定勝局後仍狂鞭，導致贏得太遠加分太多，令沈集成有微言唔多高興。
好在沈集成大人有大量，「發明小子」狂勝亦始終好過搏輸，周日(29日)沈廐冇雪藏羅理雅，有馬支持他，將「快樂寶貝」、「好益善」交予他操刀。表面睇這兩駒並非上風馬，但兩人這天卻有動靜，縮在馬房圍欄後一角傾個不停，似想避開記者目光，佢哋神情認真講咗好耐，明顯在研究搏殺大計，睇嚟對今戰有所期望。
上述兩駒之中，「快樂寶貝」賽績欠佳，想搏亦可能有心無力，反而第九場嘅「好益善」前仗1200米由羅理雅後上跑過第三，只係輸頭位，當時已差啲勝出，可見實力。今仗爭 1600米表面無根據，但來港前贏1500米，亦於滿利谷二級賽1600米得殿軍，今仗喺三班跑1600米，隨時將對手一網成擒。