「Hey what are you looking for？就係我哋呢班細路哥！」這幾位牙尖嘴利的細路哥，就是ViuTV節目《一大一路》入面的小主持。最年長的Adrian，也不過是11歲，鏡頭前面對着一眾高官、名人，也沒有半點怯場，甚至比大人更鎮定。你不禁問，鏡頭後的他們又是怎麼樣子？
記者：倩宜、魯吉 攝影：馮峰、西山傑、Woody、陳慧安
於是，《蘋果動搞作》決定追訪這幾位細路哥的拍攝節目實況，由化妝、set頭，到簡單briefing，至roll機埋位，我們都全程跟足。化妝期間，皓嵐和Conan已經「機不離手」，正在玩一個「大人不宜」的手機遊戲，完全陶醉在小孩的世界。到埋位一刻，皓嵐才依依不捨的跟手機說再見，然後一個箭步奔向錄影廠。
這天拍攝嘉賓是丁子高，眾人見面一會便熟絡起來，Conan甚至叫得出對方網名「大衞高子丁」，顯然是做足功課而來。熱身了大概五分鐘，五位細路哥在聆聽着Dixon哥哥的briefing，不久便進入狀態，之後roll機後更一take過，認真醒目。
一子之父的丁子高，事後盛讚這班細路哥，尤對Conan讚不絕口：「佢太似我細個，所以我見到佢，我好鍾意佢！」他又表示大人都可從小孩身上學習：「佢哋好直接，鍾意啲乜嘢就講出嚟。其實我哋大人都好需要呢種思維，有陣時唔使諗太多嘢，想做咩直接去做，效果可能更加好。」