再有資深賓架退休，服務獅子行逾40年，2009年起加盟恒生銀行（011）嘅陳力生（Nixon），今年7月1日起榮休，唔再擔任零售銀行及財富管理業務主管，至於佢恒生執董職位，到時就會調為非執董。
陳力生7月退休
Nixon嘅空缺，將由該行目前負責信用卡、無抵押貸款及按揭業務嘅關穎嫺（Margaret）接替，伊人仲係恒生歷史上，首次執掌零售銀行嘅女將。
現年63歲嘅Nixon，銀行界經驗豐富，先後擔任過滙恒工商業務同零售銀行等多項要職。
7年前，滙豐工商業務環球聯席主管梁高美懿，過檔恒生當「一姐」，原本任職滙豐嘅Nixon，亦於同年加盟恒生，兩年後擔任零售銀行阿頭，2014年再入埋董事會。