熱刺到17/18球季開始，球衣贊助商會由「下盔甲」轉做「一剔」（圖），每年贊助費由𠵱家嘅1,000萬鎊（約1.1億港元）大幅加到2,500萬鎊（約2.9億港元）。加幅成150%，熱刺本應好開心，不過同樣喺一年之後轉由「一剔」做新波衫贊助商嘅車路士，一年贊助費竟然有成6,000萬鎊（約6.9億港元）。喂，話晒熱刺啱啱喺英超拎到個季軍，大家都係倫敦球會，點解同排第10嘅車路士爭咁遠？