國泰航空（293）噚日正式宣佈，負責公關部嘅企業事務董事唐偉邦（James）將出任港龍航空署理行政總裁，接替即將休假嘅丘應樺。而接替James做公關部阿頭嘅就係官仔骨骨嘅鄭家駒（Arnold），今年7月中生效。
都話國泰嘅行政人員好似政府AO，每個職位做三幾年就調一調，Arnold都係由見習行政人員做起，1992年加入國泰，現為珠三角及香港營業總經理，管理國泰與港龍在港同珠三角市場嘅客運銷售事宜，2010至2015年佢做過國際事務總經理。
睇佢呢個background，應該好熟悉點樣同政府部門、旅行社打交道，應付傳媒嘅經驗可能一般，不過唔緊要喇，佢啲上手，好似James、張鳳婷都係內部調，真正係公關出身嘅可能只有莊偉茵，加油喇。