今夜的尖東陷入了一片哀傷，全城貓奴及傳媒都在直播已駐守信和便利店報攤10年的一代寵物店長巨星「忌廉哥」，隨着店舖光榮結業而退休。咪以為忌廉哥好老，其實大哥他不過11歲，大約就等於人類的56歲。肥嘟嘟、屬英國短毛貓的牠可說是帶起追捧寵物店長潮流的元祖，一於回顧下牠是如何由一隻無人要的「可憐虫」，變身萬千寵愛溺愛盲目的愛等等等等於一身的巨星貓！
Q: 忌廉哥的出身是如何的？
A：忌廉哥來自店主高先生一位朋友的家， 同胎帶灰藍色毛髮的兄弟姊妹很快便被接走，獨牠因忌廉色不夠突出，而久久沒有家。幸得便利店店主高生慧眼識英雄，明白愛不應分種族和膚色，而收養了忌廉哥。
Q: 何時爆紅？
A：2012 年的夏天，忌廉哥突然失蹤，粉絲們立刻印製「尋貓啟事」於區內張貼，又在網上發放貼文尋貓，facebook粉絲數目一下子就以10倍上升，吸引得多份報章大事報道。貓大哥最終在失蹤 26 天後，由店主高生高太在士多附近停車場尋回，當時大哥健康良好，只是瘦了 3 磅。
之後忌廉哥的事業就平步青雲，facebook粉絲已增至如今的19萬，月曆寫真廣告一浪接一浪，高生高太決定成立「忌廉哥慈善基金」，將收入撥作買糧買毛毯等予流浪動物，贏盡掌聲。
Q：數吓威水史？
A：2015年，忌廉哥成功衝出國際舞台，跟高生亮相美國CNN電視台的香港分社，成為香港首隻上CNN接受訪問的貓。而忌廉哥更因接受訪問時表現淡定，而獲批准在錄影廠內周圍走。同年，韓國KBS電視台也來港專程訪問忌廉哥。
同年7月，都唔知算不算威，譚仔三哥米線竟找忌廉哥當主題餐廳的主角 ，分店內有三哥和忌廉哥的大型擺設，就連店內牆壁、碗碟和餐牌都見到忌廉哥個嘜頭！我就認為有啲九唔搭八，只能說忌廉哥真係紅爆呀！
Q：有幾巨星風範？
去年忌廉哥被一旅遊網站看中，邀請牠擔任主角，原本預計要拍足三天的廣告，結果一日就完成，而且中間2時至6時半還是忌廉哥的午睡時間！如此合作又高效率，所以說貓紅絕對是有理由的！
Q：最後喇最後喇，講下三圍數字？
唔係啩講呢啲……忌廉哥私密檔案：身高32吋、腰圍22吋、體重18 磅！
都真係最後喇最後喇！忌廉哥，寵物籽祝你繼續好好脾氣、任摸任搓都唔嬲啊！
記者：許政
部份相片來自facebook 尖東忌廉哥