相信唔少人同八方一樣，曾經沉迷手機遊戲《Angry Birds》，攞住彈弓射小鳥，原來呢個遊戲全球累積下載次數逾30億，認真厲害，而首部改編電影《憤怒鳥大電影》，即將在港上映。
MegaBox則喺即日至7月31日期間，設置逾15呎高嘅《憤怒鳥大電影》主角阿雄巨型裝置，等大家喺現場同阿雄selfie呃like，而佢嘅朋友阿爆、阿查同大壞豬，亦會化身立體雕塑，務求喺呢個暑假，同大家selfie得開開心心。同場仲有超過12呎高嘅巨型椏杈同20呎高鳥屋，令在場人士儼如置身憤怒鳥嘅世界。
據知阿雄、阿查同阿爆仲會喺星期六、日及公眾假期去到MegaBox，俾大家一睹佢哋happy唔angry嘅風采。