【本報訊】曾健超在裁決前接受訪問，自言事發至今年半以來「一直都好大壓力，食得唔好，瞓得唔好」。他從未犯過法，無案底，不諱言害怕坐監，但坐監與否非他最擔心的事，「反而對於6月開始七警上庭嘅聆訊，我成為證人，嗰種壓力同擔心係更大」。他無悔當日的投入，「唔係行得前或者行得後嘅問題，係應該做抑或唔應該做嘅問題」。
記者約曾健超在金鐘佔領區附近訪問，訪問前半小時，攝影師發訊息問有沒有道具黃傘，記者走遍金鐘一帶商場，發現雨傘供應充足，就是無黃傘。記者只好先會合曾，尷尬問：「你有冇黃遮呀？」他立時從袋中掏出一把黃色縮骨遮。
曾健超1995年進大專修讀新聞系，但後來對傳媒前途不樂觀，遂轉讀社工系，隨後當了10年青少年外展社工。其間他有參與街頭運動及選舉，但感到「冇乜改變，唔係好感覺到同市民並肩作戰」，灰心失望，決定到南美流浪一年。
曾母當時已從消防隊目崗位退休，到他流浪的尾聲，也到南美跟着兒子去旅行。有天母子二人遊覽玻利維亞的「天空之鏡」烏尤尼鹽沼，景象震撼，當日亦是9.28發射催淚彈那天。曾豪言，近年香港的大小運動他從不缺席，「但係放催淚彈咁大件事，我竟然唔喺度」。他告訴媽媽要趕返香港。媽媽問：「咁你幾時走？」兒子答：「今晚。」稍作安排後便把媽媽留在玻利維亞。
稱不時受挑釁
轉車轉船轉機，回到香港時已是10月9日清晨，他來不及脫下身上的巴西球衣，趕到旺角佔領區，卻惹來眾人奇異目光，「嗰時先醒起，着住嗰件巴西球衣唔係主場黃色，係作客藍色」。 不足一星期，發生「暗角打鑊」，他覺得是「整定」，「如果唔係呢一年流浪，我出事之後有冇勇氣掀起個心口畀人睇？可能係一個肚腩脂肪，我就唔敢」。
有人說，因曾是公民黨成員，才令他遇襲一事引起很大迴響，但他覺得「最大影響係無綫新聞條片出到街」。一周年當日，他竟率先被捕，「原告變被告，好荒謬，一諗到就好似《九品芝麻官》嘅情節，入面嘅常威，係超乎現實嘅情節」。
曾不時遇上疑似紀律部隊人員的眼神或言語挑釁，有次更遇到穿制服的藍帽子，「我離開一個公園廁所，佢喺我側邊講，『呢個咪就係嗰個仆街，捉佢入去打多鑊啦』……你同佢嘈呀？畀佢挑釁到呀？都無謂吖，你又唔知個廁所有冇鏡頭」。曾因灰心離開的他，如今回來只因有一位6歲的姨甥，「我未婚，但作為舅父有責任畀個好嘅社會環境佢，話畀佢知乜係啱，乜係唔啱」。
■記者楊家樂