CEC國際（759）主席，阿信屋老闆林偉駿，於商台881節目《雲常開》接受陳志雲訪問。他表示，「我冇錢嘅概念…我個人來講，係冇話做生意，一定要有幾多錢。」「你話我冇錢就假，有間公司做左幾十年。冇地？一百幾十畝緊係有，但呢啲唔係錢。」
他表示，「做呢啲生意，我唔係話呢個刁要賺幾錢，我只係希望（維持）呢個關係…幾難得搵到呢個供應商，呢個廠商唔錯，啲嘢值得推廣，我只係咁樣。」他形容自己此營商思維「不切實際」，「所以你買我隻股票死得啦！（陳志雲：「即係唔好買你隻股票？」）緊係唔好啦，我自己好清楚。」
「去到57歲，我自己好明白，做嘢到依家幾十年，一早已經江郎才盡。有咩計呀，到依家，你估真係有咩新計？利用時間差異過渡左，發展咗幾年搞零售，人哋一時間適應唔到呢條傻仔咁樣搞零售。（如果佢哋）適應左？（我）任人魚肉啦，自己好明架。」